![f0010-01](https://article-imgs.scribdassets.com/ec7vqfm80aojrsh/images/fileIJLJ5ADY.jpg)
GELUKKIGE eindes kom soms wanneer jy dit die minste verwag.
Haar verhaal het eens op ’n tyd al die elemente van ’n feëverhaal gehad. Sy het soos ’n prinses gelyk – kroon op die kop met ’n sagte wit sluier oor haar skouers gedrapeer. ’n Glinsterende halssnoer het die elegante trourok afgerond, en aan haar sy was haar eerste liefde. Haar prins, die rugbyheld Joost van der Westhuizen, wat vroue laat swymel het.
Maar weldra het die destydse Lottomeisie, danseres en sangeres, Amor Vittone, en Joost se huweliksbootjie in stormwaters begin vaar, waarna dit gesink het. Pleks van ewigdurende liefde is Amor met twyfel en kommer gelaat. Sou sy dan nooit ware liefde vind nie?