KAIN en Abel. Jakob en Esau. William en Harry.
Dis ’n probleem so oud soos die berge: Twee broers (of dikwels susters) wat mekaar se bitterste vyande word.
Die afgelope maande is broedertwis wêreldnuus danksy die twee Britse prinse wat so lank ná die dood van hul ma vir mekaar ’n rots in die lewe was, maar wat nou nie meer met mekaar praat nie.
Oor sowat twee maande word hul pa, koning Charles, amptelik op ’n swierige seremonie gekroon, en baie mense hou asem op om te sien of sy twee seuns minstens lank genoeg ’n skietstaking sal kan afkondig om albei dié plegtigheid by te woon.
Maar al is die bloubloedbroers se twis wêreldnuus, is hul sibbekonflik, oftewel “sibling rivalry”