![f0088-01](https://article-imgs.scribdassets.com/4ji4nege80ap8qz3/images/fileU2I2TFXQ.jpg)
AGTER die mikrofoon sit die aanbiedertjie – sy klein stemmetjie klink vol selfvertroue op.
“Welkom, luisteraars!” sê hy. Hy stel hom voor en vertel dan daar gaan vandag lekker musiek geluister, onderhoude gedoen en oor alles en nog wat gesels word.
Hy is nog ’n pikkie, nes baie van die omroepers wat by dié spesiale Kaapstadse radiostasie hul stem oor die golwe laat opklink. En al maak die blote gedagte aan ’n mikrofoon jou dalk senuagtig, gee dit aan dié kinders ’n sonderlinge geleentheid wat hulle trots aangryp.
Want RX Radio word vervaardig en uitgesaai vanuit ’n ateljee en produksiekantoor by die Rooi Kruis-kinderhospitaal in Kaapstad – en die jong pasiënte se stemme weerklink in die hospitaal, maar ook ver buite die mure oor die radiogolwe en as stroomdiens op die internet.
Die ouderdomme van