![f036-01](https://article-imgs.scribdassets.com/k75jn6h1caq6sdv/images/fileBLMTQVES.jpg)
KORTOM
■ Dr. PG Strauss, ’n landbou-ekonoom wat verlede jaar aangestel is as die VKB-groep se besturende direkteur, het wye ondervinding in die landbouwaardeketting — van finansiering tot kleinhandel en later as onafhanklike konsultant.
■ Sy klem by VKB is sterk daarop om die groep se potensiaal te ontsluit. Dit sluit nie net die onderskeie ondernemings in nie, maar ook die potensiaal van die personeel.
■ Hy is opgewonde oor die geleenthede wat die samesmelting tussen VKB en GWK bied, maar waarsku teen onrealistiese verwagtinge.
Wat stel deesdae die meeste eise aan ’n landboumaatskappy soos VKB?
Onvoorsiene gebeure, soos die covid-19-pandemie of die uitbreek van die oorlog tussen Rusland en Oekraïne. Daardie tipe gebeure gaan net meer word. Dit bly onvoorspelbaar. ’n Mens moet onsekerheid in jou strategie in ag neem en dit op bedryfsvlak kan bestuur. Dit is ’n reusetaak, maar in die landbou is ons gelukkig gewoond daaraan. Ons werk immers met klimaatsonsekerheid, siektes en globalisering wat ons blootstel aan die risiko’s van die wêreldekonomie.
Die tweede risiko-element is gebrekkige dienslewering. Paaie is in ’n swak toestand, daar is kragonderbrekings, ontoereikende