![f098-01.jpg](https://article-imgs.scribdassets.com/8xhqzdujlsau7djz/images/fileC1ZC12QD.jpg)
Dis hoogsomer en die Swartland is ’n laslappiekombers van bruin en beige. Die koring is geoes en in dié hitte snak alles wat leef en beef na asem. Maar nes jy die Kasteelberg anderkant Malmesbury met die R46 langs oorsteek, verander die kleurpalet na skakerings van groen. Welkom in die Riebeek-vallei.
Dié oase se aantrekkingskrag is nog net so sterk soos wat dit in 1661 moet gewees het toe ’n groep VOC-verkenners hierdie stuk vrugbare aarde die eerste keer gesien het. Die dorpie Riebeek-Kasteel het die laaste dekade ’n instroming beleef van Kapenaars wat hulle gejaagde stadsbestaan vir die platteland verruil het. Maar selfs al word die dorp meer gewild, hoor jy steeds hoe mense dit beskryf as “net so rustig soos Darling” of “hoe Franschhoek destyds was”.
Dit was al die tuiste van heelparty beroemde Suid-Afrikaners, van die skilder Hannetjie de Clercq en die