![f102-01.jpg](https://article-imgs.scribdassets.com/1ur6r9rfnkau7dh9/images/fileG0C9Q16C.jpg)
DORP
Klink ’n glasie by The Royal Hotel
Die Royal Hotel dateer uit 1862 en voer ’n mens terug na ’n vervloë era toe ’n “Royal” op ’n plattelandse dorpie aan moeë reisigers ’n oase gebied het. Bestel ’n G&T en kry jou sit op die lang voorstoep.
Waar? Hoofstraat 33
Kontakroyalinriebeek.com; 022 448 1378
Verken Kortstraat
Vir só ’n kort straat het dit verbasend baie om die lyf! Nie net het dié baksteenstraatjie met sy rankerige bougainvilleas en feetjieliggies hope karakter nie, maar dis ook die adres van ’n paar unieke winkeltjies.
Hier’s alles te vinde – van natuurlike velprodukte tot leerprodukte, wyn en klere. Op die eerste Saterdag van ’n maand word hier ook mark gehou.
Oorkant The Royal Hotel