![f0104-01](https://article-imgs.scribdassets.com/4mma58ovuoav3tzk/images/fileRF8UMZLK.jpg)
![f0104-02](https://article-imgs.scribdassets.com/4mma58ovuoav3tzk/images/fileASB9VKEI.jpg)
OP DIE kassie het ons hom leer ken as die vriendelike boer van Limpopo, die man met die breë glimlag en onnutsige kwinkslae.
Hy was ook glad nie skaam om “ ’n bietjie rugkrap” te bedel by een van die vroue wat op sy plaas kom kuier het nie.
Maar die Louis M wat kykers nou in kykNET se maatsoekreeks Boer soek ’n vrou sien, lyk glad nie soos die Louis Malan (27) wat vandag die voordeur van sy plaashuis hier op die Lumarie-wildsplaas tussen Bela-Bela en Thabazimbi oopmaak nie.
Toe die reeks verlede jaar verfilm is, het hy nog die skaal op ’n stewige 110 kg laat trek, maar in Desember het hy besluit “basta met die walglike lyf ”.