SY HET alles gehad – skoonheid, intelligensie, sjarme, sukses. Toe gee sy dit oënskynlik alles prys, en dít om saam met een van Suid-Afrika se berugste misdadigers in onlangse jare te vlug.
Hoe het dr. Nandi, soos Nandipha Magudumana eens bekendgestaan het, die pad so byster geraak?
Haar naam is nou vervleg met dié van Thabo Bester, die voortvlugtige verkragter wat onlangs saam met haar en ’n rits vervalste paspoorte in Tanzanië vasgetrek is. En terwyl sy nog kon uithang in Sandton se winkels voor sy op die ontsnapte tronkvoël se spoor begin stap het, keer sy nou terug na die beskuldigdebank in ’n stampvol hofsaal.
Op die foto’s wat onlangs in die hof van haar geneem is, kruip sy