![f0054-01](https://article-imgs.scribdassets.com/1kogyk63i8awmwjw/images/fileLQDB3BLU.jpg)
GROWWE TAMATIEEN-PAMPOENSOP
Dis maklik om sop op 'n gasplaat te kook - jy het net een pot nodig én jy kan dit voor die tyd maak. Ons gebruik bokwiet (buckwheat) in dié heilsame groentesop - jy sal dit in die gesondheidsafdeling van die supermark kry. Bokwiet is koring- en glutenvry, propvol voedingstowwe wat goed is vir die hart, en dit verleen 'n wonderlike tekstuur.
Genoeg vir: 4
Bereidingstyd: 10 minute
Gaarmaaktyd: 40 minute
♥ 60 ml botter
♥ 4 preie, in ringe gesny
♥ 2 selderystele, dun gesny
♥ 5 ml paprika
♥ 500 g pampoen, in blokkies gesny
♥ 1 blik (400 g) gekapte tamaties
♥ 50 ml tamatiepasta
♥ ’n takkie vars tiemie (of 2 ml droë tiemie)
♥ 500 ml tuisgekookte of aangemaakte groente- of hoenderaftreksel
♥ 100 ml gedopte (dehulled) bokwiet (of gebruik quinoa of mannakoring – millet)
♥ ’n skeut vars suurlemoensap
1 Verhit die botter in 'n groot kastrol. Voeg die preie by en soteer dit vir omtrent 5 minute oor lae hitte tot dit sag is.
Voeg die seldery en paprika by en soteer dit vir 2 minute.