Eenvoudige bestanddele soos maalvleis en pasta kan die begin wees van ’n maaltyd om te onthou. Ons het seker almal altyd ’n pakkie droë macaroni of spaghetti in die spens, maar het jy geweet dis eintlik baie maklik om jou eie vars pasta te maak? Vir my is die smaak van winkel-pasta ’n 4 uit 10, maar dié van tuisgemaakte pasta beslis ’n 10 uit 10!
Pasta is nie verniet wêreldwyd ’n stapelvoedsel nie. Die eenvoudige kombinasie van meel, eiers en water is die basis van groot gunstelinge soos lasagne, noedels met Oosterse geure en selfs ’n soet gereg of twee. In my huis, waar twee klein mensies die septer swaai, is spaghetti bolognese gereeld op
