![f0030-01](https://article-imgs.scribdassets.com/72d2yfgdj4axtacd/images/fileBV7MDLS8.jpg)
LORD LOUIS MOUNTBATTEN was lank, charismaties en swierig. Hy was ’n ge d ekore e rd e oorlogsheld, ’n begaafde storieverteller en ’n natuurlike leier wat mense soos ’n magneet na hom aangetrek het.
Tog was dit die jong Charles – sensitief, onbeholpe, skaam, onseker van sy plek in die wêreld en bang vir sy formidabele pa – wat hom die liefste gehad het.
Oom Dickie, soos almal in die familie hom genoem het, het vir Charles die vaderfiguur geword wat prins Philip nooit was nie. Dit was Mountbatten na wie hy hom gewend het as hy raad nodig gehad het, en Mountbatten wie se dissipline hy aanvaar het.
Dickie was op meer as een manier van Charles familie. Hy was die agterkleinseun van koningin Victoria en ’n kleinneef van Charles se ma, koningin Elizabeth. Hy was ook die ouer broer van Philip se ma, prinses Alice van Griekeland en Denemarke – en as dit nie vir Dickie was nie, is Charles dalk nooit gebore nie.
Dit was hy wat die eerste ontmoeting in 1939 tussen Philip en Elizabeth gereël en so ’n reeks gebeure aan die gang gesit het wat tot hul latere verlowing gelei en die koninklike familie op hul pad gestuur het. Oom Dickie was in die sewende hemel toe Charles nege jaar later gebore