Ek het laat verlede jaar die bekendstelling van die nuwe-generasie Ford Ranger dubbelkajuit bakkies bygewoon, waar ek die middelslag XLT Bi-turbo-variante en die Wildtrak 3.0 V6-modelle gery het. Om te sê dat ek beïndruk was met die goed-toegeruste produkte, gevul met al die nuutste tegnologie en kenmerke, is om dit lig te stel. Ek is absoluut gek daaroor!
Die Ford Ranger het nog altyd ‘n aansienlike markaandeel in die dubbelkajuitsegment gehad, veral aan die hoër kant van die spektrum, maar die handelsmerk het skynbaar gesukkel om sy merk in die sogenaamde werkesel segment (enkel-en die superkajuitbakkies) te maak. So, met die nuwe generasie was die vraag of Ford wel ‘n behoorlike werkesel sou produseer?
Werk maak sterk
Baie mense sien dalk enkel-en superkajuitbakkies as bloot kommersiële vennote, maar
