Die week-lange Defender Trophy het op ‘n rustige Sondagmiddag by die South Gate Country Lodge naby Polokwane begin. Vir die Front Runner-span (bestaande uit myself, Michael de Bruyn en sy 13-jarige seun, Nathan), het dit vyf ure se ry noord vanaf Johannesburg in Michael se goed versorgde Defender 110 TDCi behels. Dit natuurlik na ‘n lang vlug vanaf die Verenigde Koninkryk, waar ek tans woon. Ek was egter nie die enigste ‘internasionale’ deelnemer wat van die buiteland af vir die geleentheid gereis het nie. James Birkholtz, wat op luukse seiljagte in Fort Lauderdale werk, het ingevlieg om by sy pa, Tony, aan te sluit.
Met ons aankoms het ons talle goeters en geite van die geleentheid se vrygewige borge gekry, insluitend ‘n noodwielbedekking van Melvill & Moon en ‘n paar braaitoebehore van die hoofborg, MBT Petroleum. Die eerste taak wat op deelnemers wag wanneer hul inteken, is om die Defenders met plakkers van al die borge te beplak en die jong Nathan het hierdie takie baie ernstig opgeneem. Ek het dié tyd gebruik om op te vang met ‘n paar Defender Trophylegendes, soos Chris Ash en Nick
