![f0082-02](https://article-imgs.scribdassets.com/38btt0fi0wb0w7wg/images/fileDPX1L6CQ.jpg)
![f0082-01](https://article-imgs.scribdassets.com/38btt0fi0wb0w7wg/images/fileE8EK9VV1.jpg)
CHOUPETTE het ’n probleem. Sy is na meer spogpartytjies genooi as wat haar program toelaat, en haar hanteerders kan nie besluit watter A-lys-geleentheid die beroemdste kat ter wêreld sal laat spin en watter haar sal laat naels wys nie.
Jy sien, haar eertydse eienaar is in die nuus. Die modewêreld het reggemaak om die ontslape legendariese ontwerper Karl Lagerfeld, ook bekend as Monsieur Choupette, op vanjaar se Met Gala vroeër vandeesmaand in New York te vereer. In daardie tyd het sy beroemde kat in die jongste uitgawe van Vogue verskyn – in die arms van Naomi Campbell op ’n foto wat deur die ikoniese fotograaf Annie Leibovitz geneem is.
Daarbenewens word ’n biografiese rolprent oor Karl beplan met Jared Leto in die hoofrol, en ’n Disney+-reeks, Kaiser Karl, met Daniel Brühl in die hoofrol, sal ook vanjaar uitgereik word.
Die kat se agent, Lucas Bérullier, bevestig Choupette is na glansryke partytjies in die wêreld se modehoofstede genooi. Maar die stralerjakkerlewe kan uitputtend raak as jy eers dubbelsyfers gehaal het. (Choupette is nou 11.) Die enigste oplossing wat hy kan sien, is om die kat self te laat besluit watter geleenthede sy wil bywoon.
“Op die ou end weet sy,” sê Lucas, wat ses jaar gelede My Pet Agency in sy geboortestad, Parys, begin het. “Ons moet geleenthede kies wat haar persoonlikheid pas, en die beste manier om dit te verseker is deur haar almal te