![f014-01](https://article-imgs.scribdassets.com/3ts0yv3jwgb1vs7i/images/file06Y6FKCR.jpg)
![f014-02](https://article-imgs.scribdassets.com/3ts0yv3jwgb1vs7i/images/fileO8GVC10S.jpg)
![f014-03](https://article-imgs.scribdassets.com/3ts0yv3jwgb1vs7i/images/fileFS2H7KJ2.jpg)
ONE4ODYSSEY
![f014-04](https://article-imgs.scribdassets.com/3ts0yv3jwgb1vs7i/images/file03OWM80Y.jpg)
![f014-05](https://article-imgs.scribdassets.com/3ts0yv3jwgb1vs7i/images/file6VHW9H90.jpg)
![f014-06](https://article-imgs.scribdassets.com/3ts0yv3jwgb1vs7i/images/fileMK59G1AD.jpg)
One4Oddesey is ’n nuwe vervaardiger met twee soortgelyke boswoonwaens: Die Bush Chameleon 2 en 4. Soos ’n mens uit die naam kan aflei, het die onderskeie modelle slaapplek vir twee of vier mense.
Dit is onder meer die beddens wat die Chameleon unieker maak, want in die Chameleon 4 trek ’n bed soos ’n laai bo-oor die disselboom uit, met ’n tweede bed bo die regterwiel. Eersgenoemde is koningingrootte en die bykomende slaapplek die dubbelbed. In die Chameleon 2 maak die dubbelbed plek vir ’n eethoekie.
Die deur is agter – die boonste deel maak na regs oop en die onderkant slaan af in die vorm van ’n trappie. Die noodwiel is regs van die deur teen die romp.
One4Odyssey wyk nie veel af van die basiese uitleg van boswoonwaens nie. Die hele buitekombuis is aan die linkerkant. Dié paneel het nie minder nie as vyf deure wat oopmaak met die ys-vrieskas heel links. Die tweeplaatgasstoof is ook deel van die glyraam en is op die punt. ’n Laai met breekware en potte en panne trek onder die gasstoof uit.
Jou werkblad is bo die linkerwiel met rakke agter dit in die romp, en die wasbak trek uit die kas heel regs. Die wasbak is dus deel van die glyraam, maar die los droograk het sy eie staanplek regs en pas aan die binnekant van die oopgeswaaide deur. ’n Laai vir glase trek bo die wasbak uit, en bo dit is ’n kas waarvan jy ook van binne