Selfone is deesdae slimmer as ooit tevore en hulle neem byna oor by lenskameras en GPS-toestelle... wel, amper. GPS-toestelle het beslis nog ’n plek in die wêreld, en van die drie groot GPS-name – Magellan, TomTom en Garmin – is eintlik net Garmin nog algemeen in Suid-Afrika beskikbaar. Daarom bespreek ons slegs dié handelsmerk se reeks GPS’e. Daarby het ons agt navigasie-apps op ’n slimfoon gelaai en ons bespreek die vier wat die lekkerste werk hiernaas.
AVENZA Meer wandel as pendel
Hierdie app se gratis basiskaart lyk uitstekend, maar as jy meer gedetailleerde kaarte met spesifieke inligting soek kan jy dit van Avenza se webwerf aflaai. Sommige kaarte is gratis, maar die meeste is nié. Die app kan jou roete opneem sodat jy later kan kyk waarlangs jy gery het, en die GPS-ontvanger in jou foon sal jou posisie op die app
