Geelrys met steurgarnale
Hierdie vinnige ete is luuks en maak ’n heerlike bederf-ete. Dit is my weergawe van Fatima Sydow se garnaal-akhni uit haar boek Kaap, Kerrie en Koesisters, geskryf saam met Gadija Sydow Noordien. Op ’n weeksaand vervang ek die seekos met minihoenderfilette, want die rys is vir my die ster van die gereg.
Genoeg vir 4 Voorbereiding: 35 minute Gaarmaaktyd: 25 minute
• 30 ml olyfolie
• 1 ui, gekap
• 1 rooi soetrissie, gekap
• 1 geel soetrissie, gekap
• 1 rooi brandrissie (of na smaak), gekap
• 3 kardemompeule, gekneus
• 1 kaneelstokkie
• 5 ml komynsaad
• 5 ml gekapte vars knoffel
• 5 ml gerasperde vars gemmer
• 10 ml paprika
• 15 ml seekosmasala (of matige kerriepoeier)
• ’n vars lourierblaar
• 5 ml borrie
• 250 ml basmatirys
• 800 g oopgevlekte steurgarnele, dop aan, derm verwyder
• sowat 30 ml botter
• vars koljander en ekstra brandrissievlokkies vir voorsit
1 Verhit die olie in ’n groot pan en braai die ui, soetrissies, brandrissie, kardemom, kaneel en komynsaad tot die ui eers sag is en begin bruin word. Roer die knoffel, gemmer, paprika, masala, lourierblaar en die helfte van die borrie by. Roer nou ’n groot skeut kookwater by en stowe stadig terwyl jy die rys gaarmaak.
2 Bring ’n potjie soutwater tot kookpunt. Roer die rys saam met die res van die borrie by die water en kook vir 8 minute. Dreineer en spoel af in koue water.
Laat die uie en rissies so
