JALA-PEÑO-POFFER-TJIES
LEWER 12-14 POFFERTJIES BEREIDING: 15 MIN. GAARMAAK: 15 MIN.
Hierdie happies is amper soos minivetkoekies met ’n skop. Dit is vinnig om te maak en heerlik bros.
◗ 250 ml (1 k) bruismeel
◗ 2,5 ml (½ t) sout
◗ vars gemaalde peper, na smaak
◗ 250 ml (1 k) gerasperde cheddar
◗ 2-3 vars of gepiekelde jalapeño’s, stingels afgesny en grofgekap
◗ 2 knoffelhuisies, gerasper (opsioneel)
◗ 100 g spekstukkies, brosgebraai
◗ 4 eiers, geklits
◗ 30 ml (2 e) melk
◗ olie vir vlakbraai
1 Meng die bruismeel en sout in ’n groot mengbak. Geur met die peper na smaak.
2 Roer die cheddar, jalapeño’s en knoffel, indien gebruik, deur. Voeg die spek by en meng liggies.
3 Maak ’n holte in die middel van die mengsel en voeg die eiers en melk by. Meng tot ’n dik beslag vorm.
4 Verhit genoeg olie in ’n diep pan vir vlakbraai. Skep eetlepels van die beslag in die pan en braai tot die poffertjies goudbruin, bros en deurgaar is.
5 Dreineer op kombuispapier en sit die poffertjies warm of by kamertemperatuur voor.
KANEELROLLETJIES met HEUNINGSPEK
LEWER 16 ROLLETJIES / BEREIDING: 30 MIN. / RYS: 2 UUR / BAK: 30-35 MIN.
Vir dié gereg put ons inspirasie by die Amerikaners – hulle is lief daarvoor