Die meeste van ons weet wat kosafguns (oftewel food envy) is, maar het jy al ooit gehoor van bekendstellingsafguns? Dit is wanneer jy jaloers is op jou werkskollega wat die bekendstelling van ‘n wonderlike nuwe produk van ‘n ikoniese handelsmerk kan bywoon en jy sit agter jou skootrekenaar vasgekluister omdat jy op sperdatum is. Die betrokke bekendstelling was dié van die nuwe Jeep Grand Cherokee sewesitplek verlede jaar en ek was glad nie beïndruk dat ek nie kon gaan nie.
Maar, soos hulle sê, die wiel draai… en raai nou net wie het die bekendstelling van die vyfsitplek van die Grand Cherokee bygewoon? Jip – ekke! Dit is immers dieselfde ding… net korter en met twee sitplekke minder.
