HOENDER en CHORIZORYS
BEREIDING EN GAARMAAK: 110 MIN. /GENOEG VIR 6 MENSE
1 groot of 2 middelslag-uie, in skywe gesny
3 rooi, oranje of geel soetrissies, ontpit en in skywe gesny
2 vet knoffelhuisies, in skywe gesny
100 g chorizo, gekap
15-30 ml (1-2 e) olyfolie
1 lourierblaar sout en peper, na smaak
250 g bruinrys, deeglik afgespoel
1 klein hoender in stukke verdeel of
6 hoenderdye met been
250 ml (1 k) wit wyn
500 ml (2 k) hoen deraftreksel
200 g kersietamaties, gehalveer
seesout en swart peper
Voorverhit die oond tot 190 °C.
1 Plaas die ui(e), soetrissies, knoffel en chorizo in ’n oondbak met ’n skeut olie – die chorizo sal sy eie vet vrystel, so jy het nie veel nodig nie. Voeg die lourierblaar by, geur met die sout en peper en meng goed. Rooster 25 min.
2 Plaas die rys in ’n kastrol, bedek met kookwater en bring tot kookpunt. Laat kook nou 20 min. of tot al dente (nog effens ferm) en dreineer.
3 Verhit die olie in ’n groot braaipan oor matige hitte. Geur die hoenderstukke oraloor en braai in sarsies tot elke stuk aan weerskante mooi bruin is, sowat 8 min. Skep uit en hou eenkant. Alles behoort nou min of meer op dieselfde tyd bymekaar te kom: groente, rys en die hoender. As die groente of rys nog ’n paar min. langer kook, is dit in die haak.
Wanneer jy al die hoender uit die braaipan gehaal het, giet die wyn in die pan en laat met die helfte afkook – sowat 3 min. – terwyl jy die gekaramelliseerde stukkies van die basis van