Pienk, pienk, alles pienk . . . Ons verdrink in ’n pienk tsoenami sedert die aankondiging verlede jaar dat ’n Barbie-fliek in aantog is. Natuurlik, pienk was nog altyd Barbie se gunstelingkleur. Sy het selfs haar eie kenmerkende “Barbie-pienk”: Pantonekode PMS – ongelukkige keuse! – 219, ’n skakering van magenta-pienk.
Dis plastiek, dis neon, dis skokkend, dis sexy, dis nostalgies en ook so nóú. Dié kleur het in ons psige nesgeskop as snelskrif vir alles vroulik en femme. Sugar and spice and everything Watwou! Sommige skakerings van pienk kan dalk gemaklik, strelend en onskuldig voel. Skel, skroeiende skokpienk? Dis die kleur van die femme fatale, soos Zsa Zsa Gabor in die 1952-fliek. Ditto ’n smeulende Marilyn Monroe in (1953).
