![f0086-01](https://article-imgs.scribdassets.com/6k31vkwmdcb7nfmn/images/fileEPXMZ7KZ.jpg)
OP HAAR nael skitter ’n klein, blou diamantjie. Dis ’n geskenk van Peet en Mel. Ja, daai Peet en Mel, die Viljoen-egpaar met die Tammy Taylornaelsalons wat so op televisie rinkink het.
Jy sou dink Mel, seker die opspraakwekkendste deelnemer aan Die Real Housewives van Pretoria, sou suur wees vir haar naamgenoot, Mel die Storieverteller, ’n TikTok-grapmaker wat alte lekker met die vroue van dié reeks die draak gesteek het.
Maar nee, die twee Melle kom so goed oor die weg dat huisvrou-Mel se man, Peet, al vir storieverteller-Mel sommer ’n diamant gegee het.
Terwyl die Pretoriase glansvroue op TV gekonkel en geskinder het, het Melanie du Toit (35), bekend as Mel die Storieverteller, haar kykers eindeloos vermaak met aanlyn grappies