PALOEKA die leeu sit en lees in die Babbelboomhuis. Hy dink hy is alleen, want dit is doodstil en rustig.
“Hallo, Paloeka,” hoor hy ’n fyn stemmetjie. “Ek is Saartjie Sokkie,” sê die stem.
Toe Paloeka opkyk, sien hy die pratende kous van agter die kas. “Ek kom uit die laai, anderkant die baai,” sê sy en giggel.
Skielik kom Palawa die kameelperd te voorskyn, en saam met haar is haar ander handpop, Kabous Kous.
“Hallo, Paloeks,” groet Palawa vrolik, die twee handpoppe is oor haar pote getrek.
“Ek dog nog heeltyd ek is alleen,” sê Paloeka en