Bakkie vir ’n boer 4
GWM Suid-Afrika het sy duurste bakkie gestuur om die dag met die boere deur te bring. Dié bakkie, die P-Series LTD Dubbelkajuit 4x4, is die nuwe vlagskip van die reeks. Luidens die vervaardiger is die voertuig egter net vir ’n beperkte tyd beskikbaar.
’n Woordvoerder van GWM sê die P-Series LTD is op pendelaars en gesinne gemik, maar ook op avontuur- en plesiersoekers, en bied ’n waarde-vir-geldproduk verpak in ’n gerieflike en weldeurdagte pakket.
Die P-reeks LTD gebruik dieselfde 2 liter-turbodiesel-enjin as die ander reeks P-bakkies.
Dit ontwikkel 120 kW teen 3 600 r/min. en 400 Nm teen 1 500 tot 2 500 r/min. Dit is gekoppel aan ’n outomatiese agtgang-ratkas wat van die Duitse vervaardiger ZF kom.
Dít maak hom spesiaal
Die LTD, wat die trap bo die LS-en LT-modelle van die P-reeks beklee, word van
