![f008-02](https://article-imgs.scribdassets.com/2ypc977uo0bhterw/images/fileAHNSX5IE.jpg)
![f008-01](https://article-imgs.scribdassets.com/2ypc977uo0bhterw/images/fileI42QAHU9.jpg)
![f008-03](https://article-imgs.scribdassets.com/2ypc977uo0bhterw/images/fileOGSYJBTS.jpg)
Die ander pad Kgalagadi toe
![f008-04](https://article-imgs.scribdassets.com/2ypc977uo0bhterw/images/file61BJ7HJK.jpg)
Ek het in April vanjaar besluit ons gesin gaan in die Junieskoolvakansie na die Kgalagadioorgrenspark reis. Soos ’n mens weet, is dit nie so maklik om op kort kennisgewing vakansieverblyf te kry nie.
Ek het by een Facebookgroep aangesluit, en van die gereelde Kgalagadibesoekers het my omtrent uitgelag toe ek daar navraag doen. Maar danksy ’n vriend wat gereeld na die Kgalagadi reis, kon ek geholpe raak: Ons het vir ses agtereenvolgende nagte plek gekry – alles kampverblyf.
Ek is ’n enkelma met twee kinders, Aya (13) en Sage (7). Rondom middagete val ons – volgelaai – in Vishoek in die pad nadat ek die kinders by die skool gaan haal het. Ons plan was om tot op Calvinia te ry, daar te oornag en die volgende dag deur te skiet na die Kgalagadi.
Toe ons op Clanwilliam aankom, is ons doodhonger en hou stil vir middagete. Intussen kyk ek op Google Maps en sien ’n roete wat 15 minute vinniger behoort te wees. Ons kies daardie