![f0030-10](https://article-imgs.scribdassets.com/99p6i9wfggbop68f/images/fileHS4M7NXI.jpg)
As ek die Letaba ruskamp en omgewing vir iemand wat nog nooit daar gaan kuier het nie moet opsom, is die woorde ‘diverse veelsydigheid’ eerste op my lys, gevolg deur ‘idilies’ (veral gedurende die pragtige, lowergroen somermaande).
Die naam Letaba beteken ‘rivier van sand’ in Sesotho – heel gepas, aangesien die kamp met ‘n pragtige uitsig oor ‘n groot gedeelte van die rivierbed en die Letaba-vallei spog. Gedurende die wintermaande lê meters se sandbanke voor jou, wat tydens ‘n goeie somer-reënseisoen in ‘n uitgestrekte watermassa verander.
Lank voor die Krugerwildtuin se ontstaan (in die 1800’s), is die Letaba-omgewing deur ‘n groep Sotho-sprekende Ba-Phalaborwa mense bewoon. Hulle was meestal beesboere, met baie goeie yster-smelt ondervinding, maar later meer oor hulle…. kom ons verken eers die omgewing en die kamp self.
Letaba is sowat 50km vanaf die Phalaborwa-hek geleë, wat dit lekker sentraal maak sou jy die noorde van die Kruger wil verken. Die kamp is omring met ‘n groot verskeidenheid eko-sones en geografiese liggings wat jou goed besig kan hou! Direk rondom die kamp, is dit meestal mopanie-veld op graniet, maar sodra jy in die rigting