Profiel
Boere en ander in die landboubedryf moet deeglik kan waarneem en as ’t ware oë van voor en van agter hê. Goeie waarneming en begrip is “eintlik net so goed soos om ’n universiteitsprofessor te wees”.
Só sê prof. Danie Vermeulen wat eersdaags uittree as dekaan van die fakulteit natuur-en-landbouwetenskappe aan die Universiteit van die Vrystaat in Bloemfontein.
In die eerste plek verwys hy na studente wanneer hy praat oor die belangrikheid dat hulle buite die lesingsaal moet kom om hul kennis van data en boeke aan te vul, en praktiese ervaring op proefplase moet opdoen, maar die les kan net so op ’n boer van toepassing wees.
“Jy moet besef die natuur is jou laboratorium. My pa het altyd gesê ’n goeie waarneming is gelykstaande aan ’n professoraat,” gesels Danie op die Kovsie-kampus.
Die kwessie is dus om studente van hul rekenaars weg te kry en hulle na die proefplase te neem “sodat hulle kan leer om nie net na data te kyk soos hulle daarna wíl
