Die 5fm-platejoggie kondig oor massiewe luidsprekers aan almal moet na hulle voertuie beweeg ter voorbereiding van die hoofgeleentheid. Jimny-eienaars, oud en jonk, draf tussen die rye kordate rygoed deur. Hier en daar steek iemand vas en kyk onseker rond na watter Jimny nou weer syne is.
Dis nie net die eienaars se ouderdomme wat verskil nie, maar ook die jaarmodelle van die voertuie. Die oudste Jimny – ’n 1973-model LJ20 in militêre bakvorm – staan in die voorste ry. Die jongste een, ’n blinknuwe vyfdeurmodel, staan ’n paar Jimnys weg van sy voorsaat af.
Die nommerplate van die massa Suzuki’s wys ál nege provinsies word by die saamtrek verteenwoordig. Kapenaars het moontlik die verste gery, 1 300 km tot hier, maar daar word grootoog vertel dat iemand blykbaar al die pad van Windhoek af gekom het in ’n SJ – meer oor die modelname later.
Honderde Jimny-eienaars sit vasgenael agter die stuur van hulle rygoed. Die platejoggie oorhandig sy mikrofoon aan ’n beoordelaar van die Guinness World Records. Dié Engelsman, geklee in ’n netjiese kobaltblou baadjie, spreek die parade toe in ’n kuis Britse aksent: “Op die telling van drie. Een, twee, drie...”
het egter al ’n paar dae tevore hier naby?”
