![f0014-01](https://article-imgs.scribdassets.com/1d7uif730gbul8u1/images/fileWH30TSCF.jpg)
HIER van die stoepie van haar prentjiemooi huis in Die Poort naby Calitzdorp in die Klein-Karoo lyk dit soos ’n toneel uit die Kinderbybel-hemel. Maar dis ook hier waar sy vandag terugdink aan die hel van wat 21 jaar gelede gebeur het.
Dit was ’n moord wat die Afrikaanse gemeenskap tot in sy murg geruk het. Die ontbindende lyk van die storieverteller en kosmaker Pieter Pieterse is op 21 Maart 2002 deur sy vrou, Jenny, aangetref, ’n week nadat hy 22 keer met ’n mes gesteek is.
Dit was twaalfuur die middag toe Jenny op hom afgekom het op die grasperk van hul huis in Marlothpark tussen Mbombela en Komatipoort.
Hy was langs die swembad, net in sy kortbroek. Sy hande was agter sy rug met ’n nylontou vasgebind.
Jenny het pas teruggekeer nadat sy ’n