Dis ‘n nuwe jaar en jy voel van vooraf lus om jou lewe reg te ruk. Maar kort voor lank voel die gewone uitdagings van die verlede weer oorweldigend en jy weet nie eens wáár om te begin om die dinge wat jou onderkry, aan te pak nie.
Hoe kom jy op koers?
Soms kan een klein verandering ‘n reuseverskil maak, want dis die eerste treetjie in die regte rigting. Los die groot planne om alles op te los wat jou pla, en begin met nét een ingryping wat jou in ‘n nuwe koers kan stuur. Nie groot Nuwejaarsvoornemens nie, maar klein wysigings sal help om jou groot voornemens minder intimiderend te maak.
