‘SY HET LIG IN MY LEWE GEBRING EN NOU IS DAAI LIG UITGEDOOF’
SOOS ’n eilandjie van verdriet sit hulle hier in die koue atmosfeer van die kitskosplek in die suide van Johannesburg. Ander mense stap in, plaas hul wegneembestellings en loop uit. Maar op dié paartjie se tafel – die enigste wat beset is – staan net twee glase water.
Die goed versorgde jong vrou se lyftaal spreek van gebrokenheid en sy frommel die snesie in haar hande oor en oor. Haar metgesel het ook vore van hartseer om sy mond, maar uit sy oë straal net woede.
“Sy was my alles gewees. Ek en sy was onafskeidbaar,” sê Amy Johnston (29). “Hoe kan iemand so iets aan ’n onskuldige kind doen? Hoe kan iemand so iets aan mý kind doen?”
Langs haar vat Elie Challita (36)
