![f0086-01](https://article-imgs.scribdassets.com/7d4dh580u8cbqap2/images/fileXN8M4Y8T.jpg)
![f0086-02](https://article-imgs.scribdassets.com/7d4dh580u8cbqap2/images/file0Z3ZAGIT.jpg)
![f0086-03](https://article-imgs.scribdassets.com/7d4dh580u8cbqap2/images/fileX26L44KI.jpg)
DIE vreugde is duidelik wanneer hy wys hoe hy met sy brein die pyltjie op die rekenaar voor hom oor die skerm beweeg. “Ek kan nie beskryf hoe wonderlik dit is om hierdie te kan doen nie,” sê Noland Arbaugh.
Natuurlik is hy in sy noppies, want dié 29-jarige is ’n kwadrupleeg, maar hy kan nou dinge doen wat hy lank nie kon nie. Hy is van sy skouers af ondertoe verlam, en sit gekluister in ’n rolstoel. Maar voor hom, op die rekenaarskerm, gaan staan die pyltjie doodstil bokant die skaakbord. Dan skuif die biskop skuins oor die bord, sonder dat Noland se liggaam beweeg. Slegs sy brein is verantwoordelik vir die beweging, danksy ’n nuwe skyfie wat deur Elon Musk se maatskappy Neuralink in sy brein ingeplant