Sy is soos ‘n vis in die water. En toe die 19-jarige swemsensasie Minke Janse van Rensburg in Maart by die Trisoom-Spele in Turkye haar ding doen, het sy die Suid-Afrikaanse vlag hoog laat wapper en die medaljes ingeryg. Minke het downsindroom, maar dit het haar nog nooit teruggehou nie.
Dóér in Turkye het dié swemmer van George in die Wes-Kaap goue medaljes in die 200 m-, 100 m- en 50 m-vryslag losgeswem. Sy't ook haar eie rekord in die 50 meter-vryslag verbeter. Die twee silwermedaljes wat sy ingepalm het, was vir die 50 m- en 100 m-vlinderslag.
Sy was ook vierde in die rugslag, wat glad nie haar forté is nie, sê haar ouers, Hennie (56) en Aletta (56), wat haar daar gaan ondersteun het. “Dit was haar doel. Minke is Turkye toe om te wen,” sê
