![f048-01.jpg](https://article-imgs.scribdassets.com/5iu453jbswcj10au/images/fileLLTNWZXX.jpg)
Wyn
Indiese drafeende wat insekte en ander plae in die wingerd in toom hou, en klein Dexter-beeste wat onkruid vreet en die grond op ’n natuurlike manier bemes. Dít is twee van die maniere waarop die wynlandgoed Vergenoegd Löw, tussen Somerset-Wes en Stellenbosch, sy koolstofspoor so laag moontlik hou en in harmonie met die natuur boer, sê Corius Visser, besturende direkteur.
Vir volhoubare wingerdbou in sy mees holistiese vorm kan ook kers opgesteek word by dié besondere wynlandgoed, want hy produseer wyne van topgehalte op die ideale grond waarin die wingerd gedy.
Die boerderybenadering behels van verantwoordelike watergebruik tot herwinning, minimale meganiese inmenging en ’n holistiese benadering om ’n natuurlike ekostelsel te vestig.
“Ons volg tot in die fynste besonderhede ’n holistiese benadering wat berus op vier pilare wat baie nou verweefd is: volhoubaarheid, ons erfenis, die gehalte van ons wyn, en ons personeel,” sê Corius.
In 2015 was Vergenoegd Löw bloot net nog ’n wynplaas in die Boland wat soos die meeste ander soortgelyke plase gefunksioneer het. Tog is daar gevoel dat dinge op die plaas, waarvan die geskiedenis tot 1696 terugdateer, begin stagneer.
In daardie jaar het prof. Peter Löw van München in Beiere, Duitsland, op die toneel verskyn. Hy is baie betrokke by groot Europese erfenisprojekte wat verskeie internasionale wynplase insluit. Toe hy Vergenoegd in 2015 besoek het, kon hy dadelik