Hande op as die bedkassie al jou kopkussing was terwyl jou kleuter jou hele bed oorvat. Of as jou baba net vir ‘n paar minute op ‘n slag slaap of jou skoolgaande kind nog laatnag wakker is en soggens vol nukke is met opstaantyd.
Michey* ken dié gevoel alte goed. Haar agtjarige dogter slaap nog tussen haar en haar man en toon geen tekens van wil trek na haar eie bed nie. “Sy gaan eers ná nege saans slaap en soggens is sy traag vir wakker word en klaarmaak vir skool.
“Maar sodra die enjintjie aan die gang is, overrev hy, want sy het ADHD [hiperaktiwiteit- en aandaggebreksindroom],” sê sy. “Nie eens die feit dat haar maats kan uitvind sy kruip in by ons, pla haar nie. Sy sê reguit sy gaan nêrens en ek wag maar nou tot sy besef dis onvanpas en self trek.”
Priscilla* se sesjarige seun klim saans met tablet in die hand in die kooi. Die ge-scroll maak hom uiteindelik vaak en só raak hy, device in die hand, aan die slaap. Daarsonder weet sy nie hoe laat
