Ponta Membene is in die Maputonasionale park, ongeveer 60 km suid van Maputo en 50 km noord van Ponta do Ouro. Die reservaat het nagenoeg 2 000 km2 se beskermde kus-, land- en mariene ekostelsels.
Die parkmense verwys na die plek as die “juweel in die kroon”, maar daar is meer as net dit. Volgens hulle webwerf is hierdie ook die plek ter wêreld waar seeskilpaaie die meeste broei.
Van Maputo en Ponta af is dit teerpad tot hier, en die park se Futihek is onderskeidelik 68 km en 41 km van die twee dorpe af. Daar is ook ’n tweede hek, Gala, verder suid, maar dié is tydelik gesluit.
Ons het Paasnaweek uit eSwatini gery om vinnig ons voete in die warm waters van Mosambiek te steek.
Oor die grens
Hier uit Big Bend – wat terloops op byna dieselfde breedtegraad lê as die suidelike grens van Mosambiek– is die vinnigste pad na Ponta Membene deur die Goba-grenspos. Dis sowat 80 km