![f0078-01.jpg](https://article-imgs.scribdassets.com/1cr2fysvk0cjrw2k/images/fileY5GP9RSE.jpg)
Mol Mashigo
Kunstenaar en fotograaf
“Hier is baie mense met kunstalent op Cullinan, maar hulle kan nie verf en kwaste en sulke dinge bekostig nie. En baie van hulle weet nie hoe om kuns te beoordeel of hulle eie werk te verkoop nie,” sê Mol, wat vier jaar oud was toe sy ouers in 1989 van Daveyton, waar hy gebore is, na Cullinan verhuis het.
In Makers Village se groot uitstalruimte is talle van sy skilderye te sien, maar hy is veral trots op dié wat tans in die Cullinan Premier Hotel ten toon gestel word. Hy haal terstond sy foon uit om van dié kunswerke te wys.
“My kunstalent kom beslis van my ma,” sê Mol, “en in my kuns druk ek die dinge uit waaroor ek droom. Gelukkig het ek so tien jaar terug die kans gekry om in Irene ’n internskap by Tania te doen, en daar ongelooflik baie geleer oor kuns, 3D-drukwerk,