![f0106-02.jpg](https://article-imgs.scribdassets.com/1hswhxjs8wcjrw4f/images/fileN7UYPT8E.jpg)
![f0106-01.jpg](https://article-imgs.scribdassets.com/1hswhxjs8wcjrw4f/images/file59U9ZE2S.jpg)
![f0106-03.jpg](https://article-imgs.scribdassets.com/1hswhxjs8wcjrw4f/images/fileFK6198IT.jpg)
In ’n fraai vallei tussen Ngodwana en Waterval-Boven, omtrent 15km suidwes van die Sappi Ngodwanapapiermeule, draai jy van die besige N4 af en mik noord oor die Elandsrivier na die voet van ’n berg. Dit is hier waar jy Dombeya – ’n plaas en kwekery – sal aantref: ’n Groot, gevestigde tuin met eksotiese bome wat hemelwaarts reik, met tussendeur ’n versameling pragtige klipbousels – huise, kothuise en skure. Dit is die tuiste van die Fry-familie.
Pippa groet ons met haar troppie Duitse herdershonde: Winter, Degas en Ginkgo. Sy dra ’n helder purperrooi bloes, gemaklike wit langbroek en fyn leerskoene. “Ek trek nie gewoonlik so netjies aan nie – beslis nie as ek in die kwekery werk nie! Een ding wat hierdie plaas my geleer het, is om prakties te wees.”
Pippa en Christian se aanvanklike plan was om einde 2020 na Dombeya te trek, maar hulle het op 26 Maart daardie jaar, ’n dag voor die Covid-19-inperking in werking sou tree, op die plaas aangekom. Christian is ’n varswater-ekoloog wat omgewingimpakstudies doen vir myne, terwyl Pippa as interieurontwerper en projekbestuurder gewerk het.
“Ek wou in daardie stadium van werk verander,” sê sy, “en Ebba, Christian se ma, nou 83 jaar oud, was desperaat om af te tree. Die familieplaas sou verkoop word indien ons nie met ’n ander plan vorendag kon kom nie. Ek het vir Christian gesê: ‘Hoekom probeer ons nie? Kom ons neem die kwekery oor, bestuur dit met ’n vyfjaarplan en kyk