![f050-01](https://article-imgs.scribdassets.com/1xv0e876m8clq421/images/file5AZKEI1Y.jpg)
Ek was al meermale stomgeslaan deur die mate van naïwiteit en selfs argeloosheid waarmee sommige jagters hulle jagammunisie hanteer. As ons vir ’n oomblik in gedagte hou dat dit aan die einde van die dag die koeël is wat die harde werk doen, behoort ammunisie, net soos jou jaggeweer en die teleskoop wat daarop gemonteer is, eintlik soos ’n kosbare kleinood in watte toegedraai te word voor elke jag!
![f051-01](https://article-imgs.scribdassets.com/1xv0e876m8clq421/images/fileN7X2IGZC.jpg)
Die dop
Ammunisie vir senterslagjagge-were bestaan uit vier komponente. Die eerste komponent is uiteraard die dop wat van geelkoper gemaak word. Daar is verskillende maniere waarop doppe vir die verskeie kalibers wat vandag op die mark beskikbaar is, oud en nuut sowel as klein en groot, vervaardig word. Dit is ’n onderwerp wat baie maklik in ’n artikel van sy eie aangespreek kan word.
Die roete wat baie van ons volg, is gewoonlik om ’n voorraad fabrieksammunisie vir die gegewe kaliber aan te skaf. As hierdie ammunisie alles uitgeskiet is, is die doppe gereed om herlaai te word. Ek ken baie min jagters wat vandag nie ook kranige herlaaiers is nie. Die voordeel van sulke doppe wat een maal in jou geweer gevuur is, is dat hulle die vorm van