Die oorgrote meerderheid jagters is gewoond daaraan om net in die droë wintermaande tyd in die veld deur te bring. Soms kom daar egter geleenthede waar jy noodgedwonge in die middel van die somer moet jag. As jy ’n somerjag beplan, is daar ’n paar dinge om in gedagte te hou wat dit verskillend maak van die gewone wintermaande se jagveld.
Die natuur kan jou ’n paar harde houe gee, veral in warm plekke soos die Zambezivallei. In Zimbabwe staan Oktober as suicide month bekend. Die rede is die hitte wat jou oorrompel soos ’n skoonma wat kla! Die versengende hitte gaan boonop gepaard met ’n magdom sonbesies wat van sonop tot sononder in die bome skree. Dit voel behoorlik of hulle in die spasie tussen jou ore nesgemaak het!
Om alles te kroon, val hierdie tyd ook saam met die begin van die