FOKUS TREKKERS PROMOSIE
Tydens die Nampo-oesdag het Chris Burgess, hoofredakteur van Landbouweekblad, met Stephan Nel van Case oor die stand van sake by dié maatskappy en die bedryf gesels.
Julle het vanjaar geen spesiale aanbiedinge by Nampo gehad nie. Hoekom?
Ons probeer aggressief bly met ons pryse en spesiale aanbiedinge kan meer kwaad as goed doen. Jy verkoop 500 trekkers teen X. Op Swart Vrydag verkoop jy 100 trekkers teen X - 20%. Nou het jy daardie eerste 500 klante kwaad gemaak. Ons wil ons pryse eerder uitbalanseer vir ’n aggressiewe gemiddelde prys wat voorraad skuif. Voorraad se kapitaalkoste smoor jou besigheid en kontantvloei.
Ons het aan die begin van die jaar besluit wat ons pryse op die voorraad is. Ons wil altyd ’n regverdige prys vir die klant gee.
Hoe was Nampo vanjaar vergeleke met verlede jaar?
Waar ons verlede jaar rondgehardloop het met mense wat transaksies geteken het, was daar vanjaar beslis minder pen op papier. Die