Diversifikasie
Wat begin het met tien weesvarkies is vandag ’n onderneming met meer as 40 000 varke, sy eie slagplaas en verwerkingsfabriek, en wat werk op buurplase skep en eintlik onbeperkte moontlikhede het.
Die sneller was toe Marius Malherbe, uitvoerende hoof van die Malu-groep, presisiebeginsels in een vertakking van ’n baie gediversifiseerde boerdery begin toepas het. Vandag is die Malu-groep die grootste verskaffer van varkvleis in die Noord-Kaap en Vrystaat, en hy droom steeds groot.
Die groep boer met meer as 40 000 varke op twee plase buite Kimberley en een by Bloemhof, en het ’n slagplaas, asook ’n vleisverwerkingsfabriek en kleinhandelwinkel in Kimberley. Dit word nie verniet as een van die tien beste varkboerderye in Suid-Afrika beskou nie.
Alles het begin met tien weesvarkies wat Charles Malherbe, toe pasgetroud met Raedun, in 1968 by sy oom op Barkly-Wes gekry het. Dié egpaar het net die jaar tevore hul plaas, Pax, by Riverton 30 km noord van Kimberley, gekoop.
Malu is afgelei van Malherbe en Lubbe (Raedun se nooiensvan), en is aanvanklik in 1969 as die MALU-landgoed deur Charles en sy skoonpa geregistreer. Dit was toe ’n gemengde boerdery met onder meer varke, ’n melkery, skape, tabak en besproeiing.
Toe Marius,
