![f046-01.jpg](https://article-imgs.scribdassets.com/xt1cubd4wclvusr/images/fileX5OQ97SQ.jpg)
Hy is ’n boer wat met soveel koeie boer dat hy 400 bulle in sy kuddes gebruik. Dus weet hy waarvan hy praat as hy sê dat die tyd vir afronding op kraal verby is. Rudi Lemcke, een van Botswana se grootste grondeienaars, en sy een seun, Hugo, boer by Ghanzi in die noorde van Botswana met ses stoeterye.
Dit bestaan uit 1 000 Brahman-, 700 Simmentaler-, 350 Simbra-, 300 Droughtmaster-, 100 Charolais- en 80 Braunvieh-koeie. Hulle besit ook 7 000 kommersiële koeie.
Lemcke Ranches teel sy eie bulle en doen ook embrio-oordrag, en hiervoor glo Rudi in die Droughtmaster as die beste ras.
Johan van der Nest, ’n boer van Suid-Afrika en Botswana en bekende afslaer, het die leidende rol gespeel om hierdie ras in Suider-Afrika te vestig. “Hy het ’n oog vir winsgewende veldbeeste en plaas sterk klem op vrugbaarheid en temperament in ’n medium-raam met min foute en baie goeie hoewe en uiers – beeste waarmee ’n mens maklik op die veld kan boer en wat weer