Is jy ook soms lus om net een dag nie te bad nie? Of kan jy soms net nie die versoeking weerstaan om ’n skinderstorie oor te vertel nie – selfs al vreet die skuldgevoelens jou ná die tyd op?
Ons almal het gewoontes wat ons nie altyd kan keer nie, al voel ons ook sleg daaroor. Dalk help dit ’n bietjie met die skuldgevoel om te hoor baie van dié “slegte” gewoontes kan eintlik nogal goed wees vir jou, glo dit of nie!
“Sommige gewoontes, soos om te rook, is natuurlik altyd sleg vir jou,” sê die sielkundige Jivan Dempsey. “Maar daar is ander wat nie noodwendig sleg is nie, afhangende van waar en wanneer jy dit doen.” Konteks is dus belangrik, en bepaal dikwels of iets ’n positiewe of negatiewe uitwerking gaan hê.
Kom ons kyk
