DIE sybokhaarbedryf sal rekening moet hou met strenger regulasies van die Europese Unie (EU), was die sentrale boodskap op die pas afgelope kongres van Sybokhaar Suid-Afrika (SSA) op Graaff-Reinet. Suid-Afrika maan egter teen die oorhaastige instelling van maatreëls op internasionale vlak sonder om die finansiële implikasies vir die boer in aanmerking te bring.
Dit was die eerste kongres sedert die Suid-Afrikaanse Sybokhaarkwekersvereniging en SSA einde verlede jaar saamgesmelt het.
Chris Hobson, voorsitter van SSA, het gesê die bedryf se toewyding aan volhoubaarheid en etiese praktyke is prysenswaardig. “Dit onderskei ons in ’n mark wat ál meer deur die kieskeurige verbruiker aangedryf word. As leiers op die gebied van RMS- en RWS-sertifisering behoort ons as ’n natuurlikevesel-bedryf goed