DIE eerste ding wat ’n mens sien as jy in die huis in Pretoria instap, is die groot boom wat teen die muur geverf is.
Van die takke hang geraamde foto’s van kinders – 251 van hulle. Want dís hoeveel plek daar in die groot, warm harte van die Prozesky-egpaar is.
“Dis ons familieboom,” sê Mientjie (49). “Ons raak vir elkeen lief asof hulle ons eie kinders is. Dis swaar as hulle weer moet gaan.”
Rock of Hope, noem sy en haar man, Wouter (56), die veilige hawe wat hulle sedert 2011 hier bedryf. En dis presies wat hulle deur die jare vir al daardie kinders teen die muur was – ’n veilige rots om aan te anker.
Mishandelde kinders, weggooikinders, maak nie saak nie. Elkeen wat
