‘ONS HET VROEG OP DIE NAME ANDRÉ EN HENRY BESLUIT, VER-NOEM NA ONS PA’S, MAAR JAKKALS EN WOLF HET NET VASGESTEEK’
’N MENS ken hom as ’n wêreldreisiger wat nie maklik vir ’n nuwe uitdaging terugdeins nie – of dit nou is om met ’n stapstok in die hand, laphoed op die kop en rugsak die Camino de Santiago-pelgrimstog in Spanje aan te durf, deur Frankryk se bergpasse te stap of Japan te gaan verken.
Maar vir die bekende skrywer, joernalis en TV-aanbieder van kykNET se Elders-reisprogramme was pa-word ’n ander storie. Erns Grundling (44) was nie dadelik seker of hy daarvoor kans sien toe sy vrou, Catharien (39), op ’n Sondagmiddag in 2022 ná ’n braai met hegte vriende en hul gesinne laat hoor: “Dit was nogal lekker saam met die kinders, nè?”
Eers ’n dag later het die gedagte deur sy kop geflits: Hoekom nie?
En toe is dit nie net een babatjie wat eindelik ’n opwagting maak nie, maar sommer twee. Boonop was dit nie net ’n tweeling nie, maar ’n identiese tweeling.
Die twee lyk op ’n druppel na mekaar, en nés Erns, lag Catharien.
Die babas was al voor hul geboorte vir unieke name bestem.
“André Jakkals” is eerste gebore, en “Henry Wolf” vier minute later.
En nou, twee maande ná die geboorte van die seuntjies, is Erns al net so tuis in sy nuwe
