![f0028-01.jpg](https://article-imgs.scribdassets.com/1fo2e6ykaocov7hp/images/fileUGVZD4QF.jpg)
jou lewe
![f0030-01.jpg](https://article-imgs.scribdassets.com/1fo2e6ykaocov7hp/images/fileB6IXTHU9.jpg)
Hier kom anderdag 'n pakkie van my pa se susterskind aan. 'n Vergeelde dagboek van my oupa Bokkie disintegreer omslagloos. Dit is 104 jaar oud. Die rugkant is met gare geheg. Dit bevat ook 'n klompie foto's en poskaarte.
My pa se familiegeskiedenis op die diamantdelwerye van die distrik Lichtenburg in 'n koerier-plastieksak.
Dit vertel ook die storie agter die blink diamante van die 1920-diamantstormloop, wat baie verryk het maar so baie harte ook gebreek het.
In each gem unearthed, a story of might, In diamonds, the miners' plight. – Anoniem
In die sak was 'n foto van my pa as seuntjie aan die Laerskool Bakerville. Dit het my teruggeneem na die keer in die tagtigs toe hy my met sy olyfgroen Granada deur die delwerye van Lichtenburg geneem het.
Elandsputte, Kameelkuil.
By Bakerville het ons by die ou skooltjie stilgehou. Digby was daar 'n groot weeping wattle, 'n huilboom, met lekker skaduwee.
Maar my pa wou nie met die Granada onder die boom stop nie, want die boom se trane is taai, het hy gesê. My pa was heilig op sy Granada.
Ek het lerpe onder die bloekoms loop en optel terwyl hy met sy eie gedagtes, noem 'n artikel hierdie soet bloekom-'manna'.)