![f0122-01.jpg](https://article-imgs.scribdassets.com/3cn5ruuybkcov7t4/images/fileKO4NIJTP.jpg)
KOS
![f0122-02.jpg](https://article-imgs.scribdassets.com/3cn5ruuybkcov7t4/images/fileB7W6BP0L.jpg)
BIBBY'S: MORE GOOD FOOD DIANNE BIBBY (PENGUIN SA, R480)
Die resepte in hierdie boek is meestal eenvoudig, maar tog ook veelsydig en sonder fieterjasies wat jou kan intimideer. Van die resepte is ook plantgebaseer met 'n oorvloed van tekstuur en geur. Dianne gee raad oor wat jy alles in jou spens moet hê en hoe jy dit ten beste kan benut. Kos vir besige weeksdae word gebalanseer met bederwe wat jy tydsaam oor die naweek kan kook wanneer 'n paar genadige ure in die kombuis jou net goed kan doen. Die deure vir kuier en onthaal word ook wyd oopgegooi met kos wat met kreatiewe tafels trou. Spyskaarte wat sorgsaam saamgestel is, verseker dat jou beplanning en bereiding vlot verloop van begin tot end. As jy hou van anderste kos, is dié boek vir jou.
![f0122-03.jpg](https://article-imgs.scribdassets.com/3cn5ruuybkcov7t4/images/fileMJXG737M.jpg)
EAT AND ENJOY GLUTEN FREE LAURA STRANGE (HARDIE GRANT, R580)
Met 100 glutenvrye resepte wat in twee afdelings, Meals for Everyone en Baking Up a Storm, ingedeel is, neem hierdie boek jou van vinnige midweeketes na maklike feesmaaltye, perfekte pasta en heerlike nageregte. Laura gee ook raad om jou te help om die beginsels van bak baas te raak en jou selfvertroue in die kombuis 'n hupstoot te gee tot jy gereed is om jou eie glutenvrye pronkstukke