Haar liefde vir geskiedenis en nuuskierigheid oor haar herkoms het haar pad tot sukses gebaan. Vandag pronk Anziske Kayster (51) trots met haar doktorsgraad in erfenis.
Dit was 'n moeilike pad tot hier, sê dié oud-Kapenaar, maar sy sou nooit kon voorspel dat sy vandag “doktor Anziske” sou heet én die Graaff-Reinet-museum – een van die grootstes in die land – se bestuurshoof sou wees nie.
Sy het 'n “kompulsiewe obsessiewe geaardheid” en sien daarom altyd 'n ding enduit, vertel sy.
